- विनायक वंजारे

Kankavali News : कणकवली येथील कनेडी गावात मंगळवारी भाजप (BJP) आणि उद्धव ठाकरे (Uddhav Thackeray) गटात तुफान मारामारी झाली. या मारामारीत शिवसेनेचे (Shivsena) कुंभवडे गावचे सरपंच आप्पा तावडे हे जखमी झाले तर भाजपच्या एक माेठा पदाधिका-यास मारहण झाली. या राड्यानंतर पाेलिसांनी वेळीस हस्तक्षेप करुन परिस्थिती नियंत्रण आणली. दाेन्ही गटाच्या तक्रारीनंतर पाेलिसांनी (police) सुमारे तीस जणांवर गुन्हा दाखल केला आहे.(Kankavali Latest Marathi News)

मंगळवारी सकाळी नितेश राणे (Nitesh Rane) समर्थक भाजप पदाधिकारी व शिवसेना ठाकरे गटाच्या कार्यकर्त्यांत किरकोळ बाचाबाची झाली होती. त्याचा राग मनात ठेवून दोन्ही बाजूचे कार्यकर्ते आमने सामने आले. त्यानंतर कनेडी बाजारपेठेत तुफान राडा झाला. यावेळी दाेन्ही गटाची मारामारी देखील झाली. (Maharashtra News)

या मारामारीनंतर कणकवली पोलीस ठाण्यात परस्परविरोधी तक्रारी दाखल करण्यात आल्या आहेत. यात उद्धव ठाकरे गटाच्या शिवसेनेच्या वतीने भाजपचे पदाधिकारी व जिल्हा परिषदेचे माजी अध्यक्ष संदेश सावंत यांच्यासह चौंघाच्या विरुद्ध तक्रार करण्यात आली.

तसेच भाजपच्या वतीने शिवसेना तालुका प्रमुख प्रथमेश सावंत यांच्यासह पंचवीस ते तीस जणांच्या विराेधात तक्रार करण्यात आली. पाेलिसांनी दाेन्ही बाजूच्या तक्रारीनूसार सुमारे तीस जणांवर गुन्हा दाखल केला आहे.

यामध्ये भाजपचे (bjp) पदाधिकारी व जिल्हा परिषदेचे माजी अध्यक्ष संदेश सावंत यांच्यासह चौंघावर तसेच शिवसेना तालुका प्रमुख प्रथमेश सावंत यांच्यासह पंचवीस ते तीस जणांचा समावेश आहे. कणकवली पाेलिसांनी दिलेल्या माहितीनूसार हा गुन्हा कलम (353, 332, 143, 147, 148, 149 नुसार) दाखल करण्यात आला आहे. लवकरच संशयितांना ताब्यात घेऊ असेही पाेलिसांनी नमूद केले.

Edited By : Siddharth Latkar