Chhatrapati Sambhaji Nagar News : कुत्रा भुंकला म्हणून कुत्र्याची हत्या केल्याची घटना छत्रपती संभाजीनगरात (Chhatrapati Sambhaji Nagar) नुकतीच घडली. प्राणिमित्राच्या तक्रारीनंतर या प्रकरणी एका युवकास पाेलिसांनी अटक केली आहे. (Maharashtra News)

छत्रपती संभाजीनगरमध्ये एका विकृत तरुणाकडून रस्त्यात बसलेल्या कुत्र्याची विनाकारण हत्या केल्याची घटना २५ एप्रिल रोजी घडली होती. उस्मानपुरा पोलिसांनी तपास करत रेकॉर्डवरील गुन्हेगार विशाल ऊर्फ गिरिजा करके याला या प्रकरणी अटक केली.

अटकेनंतर चौकशीत विशाल याने रस्त्यावरून जात असताना कुत्रा माझ्यावर भुंकत होता, मला ते सहन झाले नाही म्हणून कुत्र्याचा खून केल्याची कबुली दिली. संशयित आरोपीचे कृत्य एका कॅफेच्या सीसीटीव्हीत देखील कैद झाले आहे अशी माहिती पाेलिसांनी दिली. प्राणिमित्राच्या तक्रारीवरून विशाल करके याच्यावर गुन्हा दाखल करुन त्यास अटक केल्याचे पाेलिसांनी सांगितले.

Edited By : Siddharth Latkar