दिनेश पिसाट

रायगड - पालीतील (Pali) भव्य क्रीडा संकुलाचे (Sport Complex) उद्घाटन पालकमंत्री (Guardian Minister) आदिती तटकरे यांच्या हस्ते पार पडले. मागील अनेक वर्षांपासून बंद असणारे व उद्घाटनाच्या प्रतिक्षेत असलेले क्रीडा संकुल आदिती तटकरे यांच्या पुढाकाराने सुरू झाले आहे. त्यामुळे पाली व सुधागड (Sudhagad) परिसरातील उदयोन्मुख खेळाडू व क्रीडाप्रेमींना याचा लाभ होणार असून त्यांनी आनंद देखील व्यक्त केला आहे. Players from Sudhagad got the sports complex

हे देखील पहा -

या क्रीडा संकुलाच्या उदघाटनाप्रसंगी पालकमंत्री आदिती तटकरे (Aditi Tatkare) यांना बॅडमिंटन खेळण्याचा मोह आवरला नाही. तसेच या क्रीडासंकुलाच्या परिसरात वृक्षारोपण देखील करण्यात आले आहे. निसर्ग व तौक्ते चक्री वादळाने क्रीडा संकुल इमारतीचे व आसपासच्या मोठ्या झाडांचे प्रचंड नुकसान झाले होते, अशातच मुदत देऊन जलदगतीने या इमारत दुरुस्तीचे काम पूर्ण करण्यात आले आहे व वृक्षारोपण करण्यात आले.

भविष्यात या इमारतीत शासन नियमावलीच्या अधीन राहून काही कार्यक्रम घेण्यास परवानगी मिळाल्यास अधिक उपयुक्त राहील असे मत पालकमंत्री आदिती तटकरे यांनी व्यक्त केले. तर तालुका क्रीडा संकुलाचे उदघाटन पार पडल्यानंतर येथील खेळाडूंना कोरोना नियमांचे पालन करून सरावासाठी संकुल उपलब्ध व्हावे असेही तटकरे यांनी सूचित केले.

Edited By : Krushnarav Sathe