संदीप नागरे

हिंगोली: सोन्या-चांदीच्या दुकानावर दरोडा टाकल्याची योजना आखत असताना हिंगोली पोलिसांनी चार संशयित दरोडेखोरांना अटक केली आहे. हिंगोली वाशिम राष्ट्रीय महामार्गावरील कनेरगाव मध्ये सोन्या चांदीचे दुकान असलेल्या नागनाथ ज्वेलर्सवर मध्यरात्री दरोडा टाकण्याच्या तयारीत होते.

चार संशयित दरोडेखोरांना कनेरगाव पोलिस चौकीच्या पोलिस अधिकाऱ्यांनी ताब्यात घेतले आहे. हे आरोपी एका तवेरा गाडीमध्ये बसून दरोडा टाकण्याची योजना आखत होते, मात्र गस्त घालणाऱ्या पोलिसांना आरोपींची गाडी संशयित वाटल्याने त्यांनी विचारपूस करत अधिक चौकशी केली. या दरम्यान आरोपींनी उडवा उडवीची उत्तरे दिल्याने कनेरगाव चौकी पोलिसांनी, या संशयित दरोडेखोरांना अटक केली आहे.

पोलिसांनी त्यांच्या कडून दरोडा टाकण्याचं कटर, पाने, दुकानाचे शटर उघडण्याचे लोखंडी रॉड या बनवत आधार कार्ड पॅन कार्ड या सह अनेक कागदपत्र व साहित्य जप्त केल आहे.

हे देखील पहा-