पिंपरी चिंचवड : आयपीएल क्रिकेट मॅच सुरु असून यावर ऑनलाईन सट्टा (Online Betting) चालविला जात आहे. हा सट्टा घेणाऱ्या टोळीवर (Pimpri Chinchwad) पिंपरी चिंचवड पोलिसांच्या खंडणी विरोधी पथकाने धाड टाकून कारवाई आहे. (Live Marathi News)

तळेगाव दाभाडे पोलीस स्टेशन हद्दीत लेक पॅराडाईज सोसायटीतील हाऊस नंबर 44 येथे काही बुकी आयपीएल क्रिकेट मॅचवर ऑनलाईन सट्टा घेत आहेत. अशी गोपनीय माहिती पिंपरी चिंचवड पोलिसांच्या खंडणी विरोधी पथकाला मिळाली होती. त्या माहितीच्या आधारे खंडणी विरोधी पथकाने धाड टाकून रोमी सुरेश नेहलांनी, विनोद राजू सतीजा आणि लखन राजू गुरबानी या तीन आरोपींना अटक केली आहे.

मुद्देमाल जप्त

त्यांच्या ताब्यातून सात मोबाईल फोन, एक लॅपटॉप, पाच वह्या, दोन पेंट असा एकुण 4500 रुपयाचा मुद्देमाल जप्त केला आहे. अटक करण्यात आलेल्या बुकी विरोधात तळेगाव दाभाडे पोलीस स्टेशनमध्ये महाराष्ट्र जुगार कायदा कलम चार आणि पाच व इंडियन टेलिग्राम ऍक्ट कलम 25 नुसार गुन्हा दाखल करण्यात आला आहे.