इगतपुरी स्थानकाजवळ एक गोंधळाचा प्रकार घडला आहे. दीड तासांहून अधिक वेळ एक्सप्रेस थाबंवून ठेवल्यानं प्रवासी संतप्त झाले आहेत. संतप्त झालेल्या प्रवाशांनी स्टेशन मॅनेजर ऑफिसमध्ये जात गोंधळ घातला आहे. या गोंधळाचा व्हिडिओ सध्या सोशल मीडियात व्हायरल होत आहे. ही घटना इगतपुरीमध्ये घडली असून, लखनऊ लोकमान्य टिळक टर्मिनस एसी सुपरफास्ट एक्सप्रेसमधील प्रवाशांनी स्टेशनबाहेर गोंधळ घातला आहे.

इगतपुरी स्थानकावर एक्सप्रेसमधील काही संतप्त प्रवाशांनी गोंधळ घातला आहे. लखनऊ लोकमान्य टिळक टर्मिनस एसी सुपरफास्ट एक्सप्रेस इगतपुरी स्थानकावर थांबल्यानं प्रवाशांना राग अनावर झाला. तब्बल दीड तास एक्सप्रेस स्थानकावर थांबली होती. त्यामागून आलेल्या गाड्या सोडल्या जात होत्या. मात्र, एक्सप्रेस दीड तास स्थानकावर थांबून होती.

प्रवाशांना राग अनावर झाला. त्यांनी स्थानकावर उतरून थेट स्टेशन मॅनेजर ऑफिसमध्ये जात गोंधळ घातला. प्रवाशांनी घातलेल्या गोंधळाचा व्हिडिओ सध्या सोशल मीडियात व्हायरल होत आहे. गाडी थांबवून ठेवण्याचे कोणतेही कारण प्रशासनाकडे नसल्याने प्रवासी अधिक संतप्त झाले होते.

संतप्त झालेल्या प्रवाशांनी गोंधळ घातल्यानंतर एक्सप्रेस पावणे दोन तासांनी इगतपुरी स्थानकातून रवाना करण्यात आली. मात्र, पुन्हा स्टेशनच्या पुढे काही अंतरावर पुन्हा थांबवल्याने प्रवासी अधिक संतप्त झाले आहेत.