पुण्यातील मुंढव्यात 43 एकर जमीन खरेदी प्रकरणात घोटाळा झाल्याचा आरोप विरोधकांनी केलाय...या प्रकरणात अजित पवारांचा मोठा मुलगा पार्थ पवार आरोपांच्या चक्रव्युहात अडकलाय.. पार्थ यांच्या अमीडिया कंपनीने 1800 कोटींची जमीन फक्त 300 कोटींना विकत घेतल्याचं पुढं आलंय. त्यामुळे त्यांच्यावर गुन्हा दाखल करण्याची मागणी विरोधकांनी केलीय.

दरम्यान जमीन खरेदी प्रकरणात नेमका कसा घोटाळा झालाय... काय आरोप करण्यात येतायत..

नेमकं प्रकरण काय?

पार्थ पवारांच्या अमेडिया कंपनीवर कोरेगावमधील जमीन खरेदी घोटाळ्याचा आरोप

1800 कोटींची 43 एकर जमीन 300 कोटींना खरेदी केल्याचा आरोप

वतनाची जमीन असल्यानं खरेदीआधी शासन दरबारी नजराणा देणे बंधनकारक

21 कोटींची स्टॅम्प ड्युटी असताना केवळ 500 रुपयांच्या स्टॅम्पवर जमिनीची खरेदी

पॅरामाऊंट कंपनीनं 273 मूळ मालकांकडून पॉवर ऑफ अॅटर्नी लिहून घेतली

केंद्र आणि राज्याच्या जमिनी सोडवण्याचे अधिकार पॅरामाऊंट कंपनीकडे

मूळ जमीन मालकांना मोबदला देण्याबाबत कागदपत्रात उल्लेख नाही

पॅरामाऊंट इन्फ्रास्ट्रक्चर कंपनीकडून 2006 मध्ये व्यवहार

2025मध्ये अमेडिया कंपनीकडून जमिनीची खरेदी

दुसरीकडे जागेच्या मूळ मालकानं ती जागा महार वतनाची असल्याचा धक्कादायक खुलासा केलाय.. वतनाची जागा सरकारनं ताब्यात घेतल्याचं आणि पूर्वजांशी एका कंपनीनं पॉवर ऑफ अॅटर्नी केल्याचंही त्यांनी सांगितलयं...मुख्यमंत्री देवेंद्र फडणवीसांनी जमीन घोटाळ्याप्रकरणी चौकशीचे आदेश दिलेत.. अनियमितता आढळल्यास कडक कारवाई करणार असंही त्यांनी म्हटलंय...

जमीन घोटाळा प्रकरणात मुख्यमंत्र्यांनी चौकशीचे आदेश दिल्यानंतर तहसलीदार आणि मुद्रांक शुल्क विभागातील अधिकाऱ्याचं निलंबन करण्यात आलयं....मात्र या प्रकरणातल्या मुख्य सूत्रधारांवर कारवाई होणार होणार का? याकडे सर्वांचं लक्ष लागलंय