Parbhani crime Saam Tv
महाराष्ट्र

Shocking News : मुलीच्या शाळेची फी आणि TC मागायला गेले, संस्थाचालकांकडून बेदम मारहाण; वडिलांचा जागीच मृत्यू

Parbhani Heartbreaking News : परभणीतील झिरो फाटा येथील निवासी शाळेत टीसी आणि फी मागायला गेलेल्या पालकाला संस्थाचालक दाम्पत्याने मारहाण केली. या मारहाणीत पालकाचा मृत्यू झाला असून शिक्षण व्यवस्थेवर गंभीर प्रश्न उपस्थित झाले आहेत.

Alisha Khedekar

परभणीच्या झिरो फाटा परिसरात असणाऱ्या हायटेक रेसिडेनशियल स्कूलमध्ये धक्कादायक प्रकार घडला आहे. शाळेच्या निवासी गृहात मुलगी राहत नसल्याने तिचा टीसी आणि शाळेत भरण्यात आलेली फी परत घेण्यासाठी गेलेल्या पालकाला संस्थाचालका दाम्पत्याने बेदम मारहाण केल्याची धक्कादायक घटना घडली आहे.

या मारहाणीमध्ये पालकाचा मृत्यू झाला आहे. परभणीतील उखळद येथील ४२ वर्षीय जगन्नाथ हेंडगे यांची मुलगी पल्लवी ३रीत शिकत आहे. ती झिरो फाटा येथील प्रभाकर चव्हाण यांच्या हायटेक रेसिडेनशियल शाळेमध्ये निवासी गृहात राहत होती. पण ती लहान असल्याने आई वडिलांना सोडून या हायटेक रेसिडेनशियल शाळेच्या निवासी वसतिगृहात तिला करमत नव्हते. त्यामुळे पल्लवीला तिचे वडील जगन्नाथराव हे घरी घेऊन गेले होते.

गुरुवारी जगन्नाथ हेंडगे परत शाळेत येऊन आपल्या मुलीचा टीसी आणि स्कूलमध्ये भरलेली फी मागण्यासाठी शाळा व्यवस्थापनाकडे आले होते. त्यावेळी शाळेचे संस्थाचालक प्रभाकर चव्हाण आणि त्यांच्या पत्नी हिंगोली जिल्हा परिषदेच्या माजी शिक्षण सभापती रत्नमाला चव्हाण या दोघांनी हेंडगे यांना बेदम मारहाण केली. या मारहाणीमध्ये हेंडगे यांचा मृत्यू झाला. या मारहाण प्रकरणी पूर्णा पोलीस ठाण्यात मुंजाजी हेंडगे यांच्या तक्रारीवरून गुन्हा दाखल करण्यात आला आहे.

परभणी जिल्ह्यात मोठ्या प्रमाणात निवासी गुरुकुल शिक्षण पद्धती निर्माण झाल्या आहेत. या अनेक शाळा पालकांची फीसाठी पिळवणूक करत असल्याच्या घटना नेहमीच घडत असतात. पण ही घटना शिक्षण क्षेत्राला काळिमा फासणारी आहे. या घटनेनंतर शाळेच्या परिसरात तणावपूर्ण परिस्थिती निर्माण झाली आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

सावधान! दूधात तेल आणि चुना? तुम्ही पिताय भेसळयुक्त दूध ? आमदारांनी डेमो दाखवला...कारवाई कधी?

Aeroplane Etiquette: टूथपेस्ट ते परफ्यूम... विमानात पायलटला कोणत्या गोष्टी नेण्यास बंदी असते?

Chhatrapati Shivaji Maharaj : शिवरायांचा आठवावा प्रताप! छत्रपतींच्या पराक्रमाची साक्ष देणाऱ्या १२ किल्ल्यांना UNESCO World Heritage दर्जा

Night Sleeping Time: रात्री किती वाजता झोपलं पाहिजे? योग्य वेळ जाणून घ्या

ठाकरेंच्या डरकाळीनंतर अमराठी व्यापाऱ्यांची मराठी शिकण्यास सुरूवात | VIDEO

SCROLL FOR NEXT