MP Sanjay Jadhav : उध्दव बाळासाहेब ठाकरे गटातील (Uddhav Thackeray Faction) शिवसेनेचे खासदार संजय जाधव (MP Sanjay Jadhav Latest News) यांनी जीवे मारण्याची धमकी आल्याची तक्रार परभणीच्या (Parbhani) जिल्हाधिका-यांसह, पोलिस अधिक्षक तसेच गृहमंत्र्यांकडे केली आहे. खासदार संजय जाधव यांना अशा प्रकारची दुस-यांदा धमकी आल्याने परभणी जिल्ह्यात खळबळ उडाली आहे. (Breaking Marathi News)

खासदार संजय जाधव यांना दोन दिवसांपूर्वी एका फोनद्वारे माहिती मिळाली हाेती. खबऱ्याने त्यांना आपणांस जीवे मारण्यासाठी ३ कोटी रुपयांची सुपारी देऊ केली असल्याचे खासदार संजय जाधव यांनी एका खासगी वृत्तवाहिनीशी बोलतांना सांगितले.

कुणाच्या व्यवहारात आपला हस्तक्षेप नाही. कुणावर संशय घ्यावा हा प्रश्न असल्याचे खासदार संजय जाधव यांनी नमूद केले. दरम्यान यापूर्वी नांदेड येथील रिंधा गॅंगकडून खासदार संजय जाधव यांना जीवे मारण्याची धमकी देण्यात आली होती. त्याची तक्रार त्यांनी केली हाेती.

आत्ता आलेल्या धमकीची माहिती व तक्रार गृहमंत्री देवेंद्र फडणवीस (devendra fadnavis) यांच्याकडे करण्यात आली आहे. याबराेबरच परभणीचे जिल्हाधिकारी आंचल गोयल (anchal goyal), पोलिस अधिक्षक रागुसधा आर. यांच्याकडेही या संदर्भात बोलल्याचे खासदार संजय जाधव यांनी नमूद केले.

दरम्यान खासदार संजय जाधव हे गेल्या ३० वर्षापासून शिवसेनेत सक्रीय आहेत. ते सलग दोन वेळा परभणी विधानसभेचे आमदार व नंतर सलग दुसऱ्यांदा परभणी लोकसभेचे सदस्य म्हणून ते कार्यरत आहेत. खासदार संजय जाधव यांना जीवे मारण्याच्या धमकीमुळे परभणी शहरासह जिल्ह्यात एकच खळबळ उडाली आहे.

Edited By : Siddharth Latkar