परभणी : मराठा समाजाला आरक्षण मिळावे यासाठी समाजाने पुन्हा आक्रमक भूमिका घेतली आहे. या पार्श्वभूमीवर सकल मराठा समाजाकडून परभणी जिल्हा बंदची हाक देण्यात आली आहे. यासाठी मराठा युवकांची मोटारसायकल रॅली काढत दुकाने बंद करण्याचे आव्हान केले असून व्यापाऱ्यांनी बंदला उस्फुर्त प्रतिसाद दिला आहे. 

मराठा समाजाला ओबीसी संवर्गातून आरक्षण (Maratha Aarkshan) मिळावे; या मागणीसाठी मराठा आंदोलक मनोज जरांगे पाटील यांनी अंतरवाली सराटी येथे सहाव्यांदा आमरण उपोषण सुरू केले आहे. त्यांच्या उपोषणाच्या समर्थनार्थ सकल मराठा समाजाच्यावतीने आज (Parbhani News) परभणी जिल्हा बंदची हाक देण्यात आली आहे. ह्या बंदमधून अत्यावश्यक सेवांना वगळण्यात आले असून व्यापारी बांधवांनी आपले व्यवसाय बंद ठेवून उस्फुर्त प्रतिसाद दिला आहे..

तीव्र आंदोलनाचा इशारा 

मराठा आंदोलक मनोज जरागे यांची सहा दिवस चालू असलेल्या उपोषणामुळे प्रकृती खालावली आहे. यामुळे सरकारने जर उपोषणाची दखल घेतली नाही, तर तीव्र आंदोलनाचा इशारा सकल मराठा समाजानी दिला. सकल मराठा युवकांनी शहरातून मोटारसायकल रॅली काढत दुकानदारांना दुकानें बंद करण्याचे आव्हान केले.