परभणी : काम पूर्ण केल्यानंतर सदर कामाचे धनादेश देण्यासाठी तक्रारदाराकडे १० हजार रुपयांच्या लाचेची मागणी करण्यात आली. हि रक्कम स्वीकारताना ग्रामविकास अधिकाऱ्यास परभणी एसीबीने रंगेहात पकडले असून त्याला ताब्यात घेण्यात आले आहे. 

मधुकर बाबूराव गोरे असे एसीबीने (ACB) ताब्यात घेतलेल्या ग्रामविकास अधिकाऱ्याचे नाव आहे. ग्रामपंचायत अंतर्गत मंजूर काम कंत्राटदाराने पूर्ण केले. या कामाचे धनादेश मिळावे यासाठी तक्रारदार मधुकर गोरे यांच्याकडे गेले होते. यावेळी त्यांनी आरटीजीएस फॉर्मवर सहीसह शिक्का (Parbhani) देण्यासाठी १० हजारांची लाचेची मागणी केली. मात्र तक्रारदारास हे लाच देणे मान्य नव्हते. 

तक्रारदाराने याबाबत परभणीच्या लाचलुचपत विभागाकडे तक्रार दिली. या तक्रारीची खातरजमा करत एसीबीने सापळा रचला. यानंतर १० हजरांची लाच स्वीकारतांना ग्रामविकास अधिकारी गोरे यांना (Bribe) लाचेच्या रकमेसह एसीबीने ताब्यात घेतले. तसेच मानवत पोलिसात गुन्हा दाखल करण्यात आला आहे.