परभणी : मानवत शहरातील वर्दळीच्या ठिकाणी असलेल्या गोदुगल्लीत एका घरामध्ये तीन चोरट्यांनी प्रवेश केला. (Parbhani) यावेळी घरात महिला एकटी होती. या महिलेचे हातपाय बांधून चोरी (Crime News) करण्याचा प्रयत्न केला. ही घटना सोमवारी सायंकाळी पावणेसहा वाजण्याच्या सुमारास घडली. यामुळे परिसरात खळबळ उडाली आहे. (Latest Marathi News)

परभणी जिल्ह्यातील मानवत शहरातील गोदुगल्लीत स्टील व्यापारी सोमनाथ कडतन हे कुटुंबीयांसमवेत राहतात. दरम्यान सोमवारी सायंकाळी त्यांच्या पत्नी आणि सून दोघीच घरी होत्या. पावणेसहा वाजण्याच्या सुमारास तीन अज्ञात व्यक्तींनी घरात प्रवेश केला. (Theft) चोरी दरम्यान अडथळा निर्माण होऊ नये म्हणून चोरट्यांनी सोमनाथ कडतन यांच्या सुनेचे हातपाय बांधून घरातील साहित्य चोरी करण्याच्या प्रयत्न केला. यावेळी कडतन यांच्या पत्नी घराच्या छतावर होत्या. त्यांना हा प्रकार समजला नाही. प्रकार लक्षात येताच त्यांनी आरडाओरड केला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

चोरट्यांनी ठोकली धूम 

दरम्यान, घाबरून चोरट्यांनी घरातून पळ काढल्याचे सांगितले. घटनेची माहिती मिळताच सपोनि आनंद बनसोडे, पोउनि किशोर गांवडे यांच्यासह पोलिस घटनास्थळी दाखल झाले. घटना घडलेल्या घराच्या आजूबाजूला बाजारपेठ असताना अशा वर्दळीच्या ठिकाणी चोरट्यांकडून चोरीचा प्रयत्न झाला, पोलिस (Police) या परिसरातील सीसीटीव्हीचा शोध घेत असून रात्री उशिरापर्यंत गुन्हा दाखल करण्यात आला. अनेक दिवसांपासून चोरटे सक्रिय झाले असून, रात्री चोरी करण्याबरोबरच त्यांचे मनोबल वाढले असून, दिवसाही चोरीचे प्रयत्न होत असल्याने नागरिकांत भीतीचे वातावरण आहे.