पाथरी (परभणी) : यंदा पाऊस कमी झाल्याने पाणी संकट निर्माण होत आहे. त्यानुसार परभणी जिल्ह्यातील पाथरी (Pathari) शहराला पाणीपुरवठा करणाऱ्या ढालेगाव बंधाऱ्याची पाणी पातळी प्रचंड खालावली आहे. यात केवळ ६ टक्केच पाणी असल्याने उन्हाळ्यात भीषण पाणी टंचाईचा (Water Scarcity) सामना करावा लागणार असल्याची शक्यता आहे. (Tajya Batmya)

राज्यात यंदा सर्वत्रच सरासरीपेक्षा पाऊस कमी झाला आहे. यामुळे (Parbhani) अनेक भागात आतापासूनच पाणी टंचाईचा सामना करावा लागत आहे. तर काही भागात धरणाची पाणी पातळी खालावली असल्याने उन्हाळ्यात पाणी टंचाईचे सावट उभे आहे. यासाठी कृती आराखळा तयार करून ट्रॅकरची सुविधा करण्यात येत आहे. अशीच परिस्थिती पाथरी शहराची असून पाणी पुरवठा करणाऱ्या ढालेगाव बंधाऱ्याची पाणी पातळी खालावण्यास सुरवात झाली आहे. यामुळे एप्रिल व मे महिन्यात भीषण पाणी टंचाईचा सामना करावा लागणार आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

जायकवाडीतून पाणी सोडण्याची मागणी 

ढालेगाव बंधाऱ्यात आजरोजी केवळ सहा टक्केच पाणी शिल्लक आहे. यामुळे ४० हजार लोकसंख्या असलेल्या पाथरी शहरावर पाणीटंचाईचे सावट निर्माण झाले आहे. त्यामुळे जायकवाडी धरणाच्या डाव्या कालव्यामधून ढालेगाव बंधाऱ्यात पाणी सोडण्याची मागणी आता जोर धरू लागली आहे.