परभणी : सेलू शहरातील दहा वर्षीय मुलीस व मावस भावास दूचाकीवर पळवून नेत मूलीवर बळजबरी अत्याचार केल्याची घटना (Parbhani) सोमवारी दूपारच्या सुमारास घडली. सदरिल घटनेत दोन आरोपी विरोधात सेलू पोलिसात (Police) गून्हा दाखल करण्यात आला आहे. (Parbhani Crime News)

पोलीस सूत्रांनी दिलेल्या माहितीनुसार दोन अनोळखी आरोपींनी संगनमत करत सोमवारी सकाळी अकरा वाजता शहरातील विद्यानगर येथून एका दहा वर्ष दहा महिने वय असलेल्या मुलीस व तिचा दहा वर्षाच्‍या मावस भावास दोन अज्ञात व्यक्तीने बळजबरीने पळवून नेले. मुलीच्‍या मावस भावास वालूर मार्ग कौसडी फाटा येथे रस्त्यावर सोडून दिले व मुलीस कोक शिवारात नेवून बळजबरिने (Crime) अत्याचार केला. या प्रकरणी पिढीतेच्या आईने सेलू पोलीसात रात्री उशिरा फिर्याद दिल्यानंतर सेलू पोलीस ठाण्यात गून्हा दाखल करण्यात आला आहे.

सीसीटीव्‍हीमध्‍ये दिसले संशयीत

प्रकरणातील आरोपींना अटक करण्यासाठी पोलीसांनी तपास सूरू केला असून या मार्गावरील सिसिटिव्ही (CCTV) फूटेज तपासले जात आहेत. यात एका दूचाकीवरून आरोपी हे मुलगी व मुलास दूचाकीवरून नेत असल्याचे दिसत आहे. दोन्ही आरोपींनी कपड्यांनी तोंड झाकले असून एकाचे शर्ट पिवळा तर दूसऱ्याचा लाल रंगाचा शर्ट दिसत आहे.