Laxmi Pujan : दिवाळी निमित्त शहरातील मंदिरांमध्ये देव देवतांच्या दर्शनासाठी नागरिकांच्या रांगा लागल्या आहेत. दूसरीकडे लक्ष्मीपूजना निमित्त आज (साेमवार) परभणी शहरातील सराफ बाजारपेठ सजली आहे. बहुतांश सराफ दुकानांत साेने खरेदीसाठी गर्दी आहे. (Parbhani Latest Marathi News)

परभणीत यंदा वाहन, कपडे इतर खरेदी कमी झाल्याचे व्यावसायिकांनी सांगितलं. मात्र सोनं खरेदीला झुंबड उडालेली आहे. परभणी शहरातील सर्वच सराफा दुकानांमध्ये मोठ्या प्रमाणावर परभणीकरांनी सोनं खरेदीसाठी गर्दी केलेली आहे. (Maharashtra News)

परभणी शहरातील सराफा दुकानांत सोनं (gold) , चांदीचे विविध आभूषण खरेदीसाठी महिला, तरुणींची गर्दी झालेली पाहायला मिळाली. सोनं महाग असताना करण्यात येणारी ही खरेदी पुढच्या लग्नाच्या अनुषंगाने तसेच दिवाळीच्या मुहूर्तावर केली जात आहे. नागरिक विविध डिझाईन्सला पसंती देत असल्याचे माहिती दिपक आंबीलवादे या सराफ व्यावसायिकांनी साम टीव्हीशी बाेलताना दिली.

Edited By : Siddharth Latkar