Pandharpur : पंढरपुर विकास आराखड्याच्या विरोधात आज पंढरपूर येथील विठ्ठल रुक्मिणी मंदिर (vitthal rukmini mandir) परिसरातील व्यापा-यांनी दुकानं बंद ठेवली आहे. व्यापा-यांनी पाळलेल्या कडकडीत बंदमुळे मंदिर परिसरात शुकशुकाट आहे.

पंढरपुरात तीर्थ क्षेत्र विकास आराखडा तयार करण्यात आला आहे. विकास आराखड्यात विठ्ठल मंदिर परिसरातील रस्ते रूंद केले‌ जाणार आहेत. याला मंदिर परिसरातील व्यापा-यांचा विरोध आहे. त्याबाबत व्यापा-यांनी प्रशासनास कळविले आहे.

दरम्यान महाराष्ट्र सरकारचं लक्ष वेधण्यासाठी पंढपूरातील विठ्ठल मंदिर परिसरातील व्यापा-यांनी आज दुकानं बंद ठेवली आहे. सर्व व्यापा-यांनी विकास आराखडा रद्द करावा अशी मागणी केली आहे. आजचा आमचा एक दिवसाचा लाक्षणिक बंद आहे असे व्यापा-यांनी म्हटलं आहे. दरम्यान मंदिर परिसरातील प्रासादिक वस्तू विक्रीची दुकानांसह हाॅटेल बंद असल्याने भाविकांची गैरसोय झाली आहे.

Edited By : Siddharth Latkar