पंढरपूर : मुरुमाचे उत्खन्न करुन परस्पर विल्हेवाट लावल्या प्रकरणी पंढरपूर (pandharpur) तालुक्यातील पेहे गावातील २२ शेतक-यांना (farmers) ३९ काेटी आठ लाख सातशे रुपयांचा दंड (fine) ठाेठावण्यात आला आहे. येत्या सात दिवसांत दंडाची रक्कम भरावी अन्यथा सात बा-यावर बाेजा चढविला जाईल अशी नाेटीस संबंधित शेतक-यांना प्रशासनाने बजावली आहे. महसूल विभागाने नोटीस बजावल्यानंतर संबंधित शेतकरी हवालदिल झाले आहेत. (pandharpur latest marathi news)

सामाजिक कार्यकर्ते दादासाहेब चव्हाण यांनी बेकायदेशीर दगड आणि मुरुम उत्खनन प्रकरणी महसूल विभागाकडे तक्रारी केली होती. त्यानुसार ही कारवाई करण्यात आली आहे. पेहे येथे गेल्या अनेक वर्षापासून शेतकरी शेतातून बेकायदेशीर दगडाचे उत्खनन करुन तो खडीक्रशरसाठी वापरण्यात येत असे तर मुरुम रस्त्याच्या कामासाठी वापरला जात असे असे या तक्रारीचे स्वरुप हाेते.

महसूल विभागाने संबंधित शेतक-यांच्या शेतात (farm) पंचनामे केले. त्यावेळी सुमारे ४० हजार ९९३ ब्रास दगड आणि मुरुमाचे अवैध उत्खनन केल्याचे उघडकीस आले. त्यानूसार पंढरपूरचे तहसीलदार सुशील बेल्हेकर (pandharpur tashildar sushil belhekar) यांनी संबंधित २२ शेतक-यांना दंडाची रक्कम सात दिवसांत भरावी अन्यथा जमीन महसूलाची थकबाकी म्हणून वसूल करण्यात येईल अशी नोटीस (notice) बजावली आहे.

Edited By : Siddharth Latkar