पंढरपूराच दूध भेसळीचे प्रमाण मोठ्यावर वाढले आहे. त्याबाबतच्या तक्रारी सातत्याने प्रशासनाच्या कानावर येत हाेत्या. त्यावर ठाेस कार्यवाही करण्यासाठी प्रशासनाने पावले उचलली हाेती. आज (गुरुवार) पंढरपूर तालुका पाेलिसांनी दूध भेसळीसाठी वापरली जाणारी सातशे किलो संशयित पावडर ताब्यात घेतली. (Pandharpur Latest Marathi News)

पंढरपूर (pandharpur) तालुक्यातील तावशी येथे आज पहाटेच्या सुमारास दूध (milk) भेसळीसाठी वापरली जाणारी पावडर घेवून वाहन आल्याची माहिती स्थानिक ग्रामस्थांना समजली. ग्रामस्थांनी संशयित वाहन पकडून चालकाकडे चौकशी केली. त्यावेळी चालकाने दूध वाढविणारी पावडर असल्याचे ग्रामस्थांना सांगितले. (Maharashtra News)

त्यानंतर ग्रामस्थांनी वाहनासह दहा ते बारा पोती पावडर पोलिसांच्या ताब्यात दिली. पोलिसांनी चालकासह सुमारे सातशे किलो पावडर ताब्यात घेतली आहे. या प्रकाराची माहिती पोलिसांनी अन्न व औषध प्रशासन विभागास दिली आहे.

अन्न व औषध प्रशासनाने तपासणी केल्यानंतर भेसळीसाठी वापरली जाणारी पावडर आहे की अन्य काही हे समजणार आहे. पंढरपूर परिसरात मोठ्या प्रमाणावर दूधात भेसळ होत असल्याच्या तक्रारी आहेत. अन्न व औषध प्रशासनाच्या तपासणी नंतर दूध भेसळीचे मोठे रॅकेट समोर येण्याची शक्यता आहे. (Breaking Marathi News)

Edited By : Siddharth Latkar