पंढरपूर : प्रभू श्रीरामाची अयोध्येत प्रतिष्ठापना होत असून सर्वत्र उत्साहपूर्ण वातावरण आहे. या दरम्यान आज पुत्रदा एकादशी आणि रामलल्ला प्राण प्रतिष्ठापनेच्या निमित्ताने आज (Pandharpur) पंढरपुरात सुमारे दोन लाख भाविक दाखल झाले आहेत. (Breaking Marathi News)

अयोध्येत २२ जानेवारीला रामलल्ला प्राणप्रतिष्ठापनेचा सोहळा साजरा होत आहे. या आनंदाच्या दिवशी विठुरायाचे दर्शन व्हावे; या भावनेने लाखो भाविक आजच पंढरीत दाखल झाले आहेत. चंद्रभागा आणि संत नामदेव पायरीजवळ आज भाविकांनी गर्दी केली. (Putrada Ekadashi)  पुत्रदा एकादशी वर्षातून एकदाच येते. त्यामुळे वारकरी संप्रदायामध्ये या एकादशीला अनन्यसाधारण महत्त्व आहे. त्यातच रामलल्ला प्राणप्रतिष्ठापना सोहळा असल्याने पंढरीत भाविकांची मांदियाळी पाहायला मिळत आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दर्शनासाठी लांब रांग  

विठ्ठलाच्या पदस्पर्श दर्शनाची रांग गोपाळपूर रोडवरील (Vitthal Mandir) पत्राशेडपर्यंत गेली‌ आहे. विठुरायाच्या पदस्पर्श दर्शनासाठी सहा तासाहून अधिक वेळ लागत आहे. तसेच मुखदर्शनासाठी ही एक तासाचा अधिक वेळ लागत आहे.