पंढरपूर : बारामतीकर आग लावण्याच्या पलीकडे काही ही करु शकत नाहीत; अशा शब्दात राष्ट्रवादीचे नेते शरद पवार (Sharad Pawar) यांच्यावर अप्रत्यक्ष टिका केली आहे. तर दुसरीकडे देवेंद्र फडणवीस हेच महाराष्ट्रातील बहुजन समाजाचे नेतृत्व (Sadabhau Khot) करु शकतात असा दावाही त्यांनी केला आहे. (Maharashtra News)

भाजप आमदार गोपीचंद पडळकर यांच्यानंतर आता रयत क्रांती संघटनेचे अध्यक्ष सदाभाऊ खोत यांनी बारामतीच्या पवारांना लक्ष केले आहे. सदाभाऊ खोत आज पंढरपुरात आले असता त्यांनी माध्यमांशी बोलताना शरद पवारांवर टिका केली आहे.

फडणवीसच बहुजनांचे नेता 

आजच्या राजकारणामध्ये जे लुटारू होते त्या सगळ्यांना पुरून उरणारा बाप माणूस कोण असेल तर त्याच नाव आहे देवेंद्र फडणवीस. भले त्यांची जात काढा, जातीवर त्यांना कमी लेखा; पंरतु ते खऱ्या अर्थाने बहुजन समाजाचे नेता आहे. बहुजन समाजाचे नेतृत्व या महाराष्ट्रात फक्त देवेंद्र फडणीवसच करु शकतात. बारामतीकर फक्त आग लावायचे काम करतात अशी टीका करत देवेंद्र फडणवीस यांचे मात्र त्यांनी गोडवे गायिले आहेत.