पंढरपूर : कार्तिकी यात्रेची विठ्ठल- रुक्मिणीची शासकीय महापूजा गुरुवारी पहाटे उपमुख्यमंत्री देवेंद्र फडणवीस यांच्या हस्ते होणार आहे. (Pandharpur) या पार्श्वभूमीवर विठ्ठल रुक्मिणी मंदिरामध्ये कडक (Police) पोलीस बंदोबस्त ठेवण्यात येणार आहे. मंदिरातील सुरक्षेची पाहणी आज सोलापूर जिल्हा पोलीस अधीक्षक गिरीश देशपांडे यांनी केली. (Breaking Marathi News)

कार्तिकी एकादशी निमित्ताने पंढरपुरातील विठ्ठल रुख्मिणी मंदिरात शासकीय महापूजा होणार आहे. या पूजेला विरोध करण्यात आला होता. मात्र मंगळवारी झालेल्या बैठकीनंतर मराठा क्रांती मोर्चाने आपले आंदोलन मागे घेतले आहे. यामुळे (Kartiki Yatra) शासकीय महापूजेचा मार्ग मोकळा झाला आहे. परंतु धनगर व कोळी समाजाच्या आंदोलनाबाबत अद्याप काही अपडेट नाही. या पार्श्वभूमीवर पंढरपूरमध्ये पोलीस बंदोबस्त वाढविण्यात आला आहे. मराठा आणि धनगर समाज आंदोलनाच्या पार्श्वभूमीवर उपमुख्यमंत्री देवेंद्र फडणवीस यांच्या सुरक्षतेविषयी पोलिसांनी विशेष काळजी घेतली आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

३ हजार पोलीस तैनात 

पंढरपूर शहरात सध्या सुमारे तीन हजाराहून अधिक पोलीस अधिकारी व कर्मचारी बंदोबस्तासाठी तैनात आहेत. विठ्ठल मंदिरामध्ये देखील पोलिसांची विशेष टीम सुरक्षेसाठी तैनात करण्यात आली आहे. विठ्ठल मंदिर व परिसरात आजपासूनच सुरक्षा व्यवस्था कडक करण्यात आली आहे. जिल्हा पोलीस अधीक्षक शिरीष देशपांडे यांनी आज मंदिरातील विविध ठिकाणांची पाहणी करून मंदिरातील सुरक्षेचा आढावा घेतला आहे.