भरत नांगणे, साम प्रतिनिधी

करमाळा तालुक्यातील वीट येथील भुजबळ वस्तीजवळ भीषण अपघात झालाय. इनोव्हा कार आणि दुचाकीचा अपघात झाला असून ती जणांचा मृत्यू झालाय. अपघातात मोटारसायकल वरील हनुमंत केरु फलफले (वय 35), कांचन केरु फलफले (वय 30, रा. अंजनडोह, ता. करमाळा) व स्वाती शरद काशीद (25, ता. सराफवाडी, ता. इंदापूर) अशी अपघात मयत झालेल्याची नाव आहेत.

रस्त्यात गाय आली अन् अनर्थ घडला

दोन-चार दिवसापूर्वी अमळनेरमध्ये एका दुचाकीचा अपघात घडला होता. त्यात एका महिलेचा मृत्यू झाला होता. सती मातेचे दर्शन घेऊन घरी परतणाऱ्या दाम्पत्यावर काळाने घाला घातला. दुचाकीने जात असताना रस्त्यात गाय आडवी आल्याने मोटरसायकलची धडक बसली. यामुळे दुचाकी अनियंत्रित होऊन अपघात झाला. यात पत्नीचा जागीच मृत्यू झाला, तर दुचाकीस्वार पती जखमी आहे.

अमळनेर तालुक्यातील टाकरखेडा रोडवर हा अपघात घडला. यात मंगलाबाई मधुकर ठाकरे असे मृत झालेल्या महिलेचे नाव आहे. अमळनेर जवळ सुरत रेल्वे लाईनवर जागृत असे सती मातेचे मंदिर आहे. याठिकाणी भाविक मोठ्या संख्येने दर्शन घेण्यासाठी येत असतात.

इतर भाविकांप्रमाणे ठाकरे दाम्पत्य देखील देवीच्या दर्शनाला ३० सप्टेंबरला सकाळी आले होते. दर्शन घेऊन घरी परत जात असताना रस्त्यात गाय अचानक आडवी आली. यामुळे मधुकर ठाकरे याची दुचाकी अनियंत्रित होत गाईला धडकली.