पालघरच्या तलासरी, धुंदलवाडी भागात पुन्हा भूकंपाचे धक्के जाणवले आहेत. रात्री 9 वाजून 11 मिनिटांच्या दरम्यान 2.5 रिश्टर स्केलचा भूकंपाचा धक्का बसला. काही महिन्यापासून थांबलेले भूकंपाचे धक्के पुन्हा एकदा सुरू झाल्याने नागरिकांमध्ये भीतीचे वातावरण. जिल्हा आपत्ती व्यवस्थापन कक्षाचे प्रमुख विवेकानंद कदम यांनी दिलेल्या माहितीनुसार, भूकंपाचे धक्के पाच किलोमीटर खोलीवर जाणवले आणि त्याचे केंद्र नाशिकपासून 97 किलोमीटर पश्चिमेला होते. याआधी एक आठवड्याआधीही पालघरला भूकंपाचे धक्के जाणवले होते. 10 तारखेला 3.2 रिश्टर स्केलचे धक्के जाणवले होते. संध्याकाळी 7 वाजून 10 मिनिटांनी भूकंप आला होता.