Refinery Project Kokan News : कोकणातील (kokan) रिफायनरी विरोध आणखीन तीव्र करण्यासाठी आता विरोधक पुढे सरसावले आहेत. आगामी काळात सरकारकडून माती परीक्षण किंवा ड्रोन सर्वेक्षण केलं जाऊ शकतं. दरम्यान विराेधकांनी आम्हांला जीवाची पर्वा नाही त्यामुळे आम्ही आमची भुमिका आता अधिक तीव्र करणार असल्याचे आंदाेलकांनी म्हटलं आहे.

त्याला विरोध करण्यासाठी रिफायनरी (refinery project) विरोधकांनी थेट बारसु आणि सोलगावच्या कातळावरच तंबू ठोकले आहेत. त्यामुळे कोणताही प्रकारचा विरोध करावयाचा झाल्यास किंवा आंदोलन करायचं झाल्यास या उभारलेल्या तंबूमध्येच रिफायनरी विरोधक आपलं आंदोलन करणार आहेत.

त्याची तयारी त्यांनी आत्तापासूनच केली आहे. त्यामुळे कोकणात आता रिफायनरी विरोधक आणि सरकार पुन्हा एकदा आमने-सामने येऊ शकतात. त्यामुळे प्रशासन नेमकं कशा पद्धतीने आंदाेलन हाताळणार याकडे स्थानिकांचे लक्ष लागून राहिले आहे.

Edited By : Siddharth Latkar