Pandharpur Maghi Yatra : माघ शुद्ध एकादशी उद्या (एक फेब्रुवारी) आहे. उद्या पंढरपूरात (pandharpur) माघी यात्रेस प्रारंभ हाेत आहे. या निमित्त श्री विठ्ठल-रुक्मिणीच्या दर्शनासाठी सुमारे एक लाख भाविक दर्शन‌ रांगेत उभे आहेत. दरम्यान भाविकांच्या (devotees) सुरक्षेसाठी पोलिस यंत्रणा सज्ज झाली आहे.

माघी यात्रेसाठी पंढरपुरात भाविकांची गर्दी‌ वाढू लागली आहे. विठ्ठल रुक्मिणी पदस्पर्श दर्शनाची रांग मंदिरा (VITTHAL RUKMINI MANDIR) पासून दीड किलोमीटर अंतरापर्यंत गेली आहे. दर्शन रांगेत सुमारे एक लाख भाविक आहेत. दर्शनासाठी आठ ते दहा तासांचा अवधी लागत आहे.

उद्या माघी एकादशीच्या निमित्ताने मंदिर समितीचे सहअध्यक्ष गहिनीनाथ महाराज औसेकर यांच्या हस्ते पहाटे विठ्ठलाची महापूजा केली जाणार आहे. दर्शन‌रांगेतील भाविकांना मंदिर समितीच्या वतीने चहा,पाणी आणि नाष्टयाची सोय करण्यात आली आहे. विठुनामाच्या जयघोषांनी पंढरी नगरी दुमदुमून गेली आहे. (Maharashtra News)

Edited By : Siddharth Latkar