Samruddhi Mahamarg Accident News : समृद्धी मार्गावर भरधाव जाणारी माल वाहतुकीचा ट्रक दुभाजकावर आदळला. चालकाला डुलकी लागल्याने हा अपघात झाल्याची प्राथमिक माहिती उपलब्ध झाली आहे. या अपघातात चालक गंभीर जखमी झाला आहे अशी माहिती घटनास्थळावरुन मिळाली. (Maharashtra News)

हा अपघात समृद्धी महामार्गावर दुसरबीड जवळ घडला. अपघातग्रस्त ट्रक दिलीप श्यामा पवार रा. डांगी वाडा छिंदवाडा (मध्य प्रदेश) हे चालवत हाेते. हा ट्रक नागपूरवरून छत्रपती संभाजीनगर येथे जात होता. दरम्यान, समृद्धी महामार्गावर मुंबई कॉरिडोर चॅलन नंबर ३२७.०९ वर दिलीप पवार यास डुलकी लागल्याने त्याचे ट्रकवरील नियंत्रण सुटले.

त्यामुळे ट्रक डिव्हायडरच्या मधोमध असलेल्या पुलाच्या कठड्यावर धडकला. या अपघातानंतर ट्रक रस्त्याच्या बाजूला उलटला. यामध्ये चालक दिलीप श्यामा पवार हा गंभीर जखमी झाला तर क्लीनर शिवम सूर्यवंशी हा किरकोळ जखमी झाला अशी माहिती पाेलिसांनी दिली.

या अपघातानंतर जखमी चालकास रुग्णवाहिकेने बिबी येथील ग्रामीण रुग्णाल्यात नेण्यात आले. किनगावराजा पोलिसांना अपघाताची माहिती मिळताच त्यांनी घटनास्थळावर धाव घेतली तसेच वाहतूक सुरळीत केली आहे.

Edited By : Siddharth Latkar