मराठा आरक्षणासाठीच्या हैदराबाद गॅझेटियरविरोधात ओबीसी समाज आक्रमक झालाय.. लक्ष्मण हाकेंसह ओबीसी आंदोलकांनी वातावरण तापलंय...त्यातच आता मंत्री छगन भुजबळांनी थेट बीडमधून सरकारविरोधात एल्गार पुकारण्याचा निर्धार केलाय..

खरंतर मराठा आरक्षणासाठी हैदराबाद गॅझेटियर लागू कऱण्याचा शासन निर्णय जारी केलाय..त्याला भुजबळांच्या समता परिषदेसह ओबीसी समाजाने हायकोर्टात आव्हान दिलंय...तर दुसरीकडे भुजबळांनी रस्त्यावरच्या लढाईला सुरुवात करत समता परिषदेच्या माध्यमातून बीडमध्ये एल्गार पुकारण्याचं जाहीर केलंय.. दरम्यान ओबीसी आरक्षण संपल्याच्या भीतीने आत्माराम भांगे या रिक्षाचालकाने आत्महत्या केलीय..त्यापार्श्वभुमीवर भुजबळांनी आरक्षण टिकवण्यासाठी प्रयत्नांची शिकस्त करण्याचा निर्धार केलाय...

एकीकडे समता परिषदेने महाएल्गार मेळावा आयोजित केलाय. दरम्यान मेळाव्याच्या बॅनरवर लक्ष्मण हाके आणि नवनाथ वाघमारेंचे फोटो वगळण्यात आलेत..

बॅनरवर फोटो नसल्यानं नाराज झालेल्या लक्ष्मण हाकेंनी थेट फेसबूक पोस्ट करत पाथर्डीतील दैत्यनांदूरच्या सभेनंतर ओबीसी आंदोलनातून बाहेर पडण्याचे संकेत दिलेत..

खरं तर 2023 मध्ये छगन भुजबळांनी जालन्याच्या सभेआधी मंत्रिपदाचा राजीनामा देऊन एल्गार पुकारला होता.. आता पुन्हा आपल्या ते मंत्रिपदाचा राजीनामा देणार की मंत्रिमंडळात राहून ओबीसींसाठी एल्गार पुकारणार याकडे राज्याचं लक्ष लागलंय...