OBC Agitation:

मराठा समाजाला ओबीसी प्रमाणपत्र देण्यात यावे, यासाठी जालन्यात मनोज जरांगे पाटील यांनी उपोषण आंदोलन केलं होतं. राज्य सरकारनं जरांगे पाटलांना आश्वासन दिल्यानंतर त्यांनी उपोषण सोडलं. परंतु जरांगे पाटलांच्या मागणीला ओबीसी समाजानं विरोध केलाय. जरांगे पाटलांच्या मागण्यामुळे मराठा समाज आणि ओबीसी समाज आमने-सामने आले आहेत. मराठ्याना कुणबी दाखले देण्याच्या निर्णयाविरोधात नागपूरमध्ये ओबीसी समाजाने आंदोलन सुरू केले आहे. (Latest News )

या आंदोलनातील ओबीसी समाजाच्या शिष्टमंडळाला राज्य सरकारनं बैठकीसाठी निमंत्रण दिलंय. ओबीसी समाजाच्या ४५ जणांच्या शिष्टमंडळाला राज्य सरकारनं २९ सप्टेंबरला बैठकीसाठी बोलवलं आहे. ही बैठक मुख्यमंत्री आणि उपमुख्यमंत्र्यांच्या उपस्थित होणार आहे. सरकारनं राष्ट्रीय ओबीसी महासंघ आणि सर्वशाखीय कुणबी नेत्यांना बैठकीला बोलवलंय. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दरम्यान बैठकीसाठी वेळ दिल्यानंतर ओबीसी समाजानं आंदोलन मागे घ्यावं, अशी विनंती केली जात आहे. राष्ट्रीय ओबीसी महासंघानं आंदोलन मागे घ्यावे, अशी विनंती भाजपचे ओबीसी नेते परिणय फुके यांनी मागणी केलीय. परिणय फुके हे बैठकीचे पत्र घेऊन आंदोलनस्थळी पोहचले आहेत. ओबीसींच्या विविध मागण्यांसाठी राष्ट्रीय ओबीसी महासंघाचे संविधान चौकात उपोषण आंदोलन सुरू आहे.

दरम्यान गेल्या आठवड्यात उपमुख्यमंत्री देवेंद्र फडणवीस यांनी आंदोलनस्थळी भेट दिली होती. सरकारनं रविवारपर्यंत चर्चेला बोलावले नाही तर सोमवारपासून अन्नत्याग आंदोलन करण्याचा इशार राष्ट्रीय ओबीसी महासंघाचे राष्ट्रीय अध्यक्ष डॉ. बबनराव तायवाडे यांनी दिलाय.