- अमर घटारे

अमरावती : संत गाडगेबाबा अमरावती विद्यापीठाने (sant gadge baba amravati university) ऑनलाइन पद्धतीने परीक्षा (exam) घ्याव्यात यासाठी आज (शुक्रवार) काँग्रेसच्या विद्यार्थी संघटनेने (NSUI) विद्यापीठ परिसरात राडा घातला. यावेळी विद्यार्थी (students) आंदाेलक आणि पाेलीसांची झटापट झाली. सध्या परिस्थिती नियंत्रणात असून मागण्या मान्य हाेईपर्यंत आंदाेलन छेडणार असा इशारा एनएसयुआयने (amravati) विद्यापीठ प्रशासनास दिला आहे. (sant gadge baba amravati university latest marathi news)

एनएसयुआयचे प्रदेशाध्यक्ष आमिर शेख (amir shaikh) व पालकमंत्री यशोमती ठाकुर यांची कन्या आकांशा (akansha thakur) यांनी यांच्या नेतृत्वाखाली हे आंदोलन छेडण्यात आले. यावेळी आंदाेलक विद्यार्थ्यांनी विद्यापीठाच्या विराेधात जोरदार घोषणाबाजी केली. कोरोना काळात संत गाडगेबाबा अमरावती विद्यापीठाचा ६० टक्के अभ्यासक्रम हा ऑनलाइन पद्धतीने पूर्ण झाला. आता होणारी परीक्षा ऑफलाइन का? असा सवाल आंदाेलकांनी केला आहे.

यावेळी काहींनी विद्यापीठ परिसरात पत्रक फेकण्यास प्रारंभ केला. पोलिसांनी आंदाेलकांना मज्जाव करण्यास प्रारंभ केल्यानंतर काही आंदाेलक विद्यार्थी आक्रमक झाले. त्यांनी मागण्यांच्याबाबत जाेर जाेरात घाेषणा देत विद्यापीठ परिसर दणाणून साेडला. यावेळी पाेलीसांची आणि आंदाेलकांची झटापट देखील झाली.

Edited By : Siddharth Latkar