- विनायक वंजारे

Nitesh Rane : माझ्या विचाराचा सरपंच निवडून आला नाही तर गावच्या विकासाला निधी देणार नाही. तुम्ही याला धमकी समजा नाहीतर अन्य काही. निधी वाटप आता माझ्या हातात आहे हे लक्षात ठेवा असा सज्जड दमच आमदार नितेश राणे (Nitesh Rane) यांनी उपस्थितांना कणकवली नजीक एका बैठकीत दिला.

कणकवली नांदगाव येथील ग्रामपंचायत निवडणुकीच्या प्रचारासाठी आमदार नितेश राणे हे आले हाेते. यावेळी एका बैठकीत राणे यांनी मी सत्तेत असलेला आमदार आहे. त्यामुळे गावच्या विकासासाठी लागणार निधी हा माझ्या हातात आहे.

परंतु माझ्या विचाराचा सरपंच निवडून आला नाही तर मी एक रुपयाचा निधी देणार नाही हे लक्षात ठेवा. जिल्हा नियाेजन समिती, मुख्यमंत्री, उपमुख्यमंत्री, मंत्री हे मला विचारल्या शिवाय निधी देणार नाहीत हा विषय तुम्ही स्पष्ट करुन घ्या असेही राणेंनी म्हटलं.

राणे साहेबांच्या (narayan rane) तालमीत आम्ही सर्वजण तयार झालाे आहेत. त्यामुळे आपलं जे काही आहे ते स्पष्ट आहे. त्यामुळे तुम्ही माझ्या विचाराचा सरपंच निवडून द्यावा असेही आवाहन राणेंनी केले. (Maharashtra News)

Edited By : Siddharth Latkar