पुणे पोलिसांच्या नार्कोटिक विभागाने (Narcotics Control Bureau) कोंढवा पोलिस स्टेशनच्या (Kondhava Police Station) हद्दीतील उंड्री परिसरातून कोकेन विक्री करणाऱ्या एका नायजेरियन तस्कराला ताब्यात घेतले. त्याच्या ताब्यातून तब्बल सव्वा पाच लाख रुपये किंमतीचा मुद्देमाल जप्त केला आहे. ओलमाईड क्रिस्तोफर कायोदे (वय 42) असे अटक केलेल्या नायजेरियन व्यक्तीचे नाव आहे. कोंढवा पोलीस ठाण्यात याप्रकरणी गुन्हा दाखल करण्यात आला आहे. (Nigerian man arrested for selling cocaine in Kondhwa)

याप्रकरणी अधिक माहिती अशी की, शहरात सुरू असणाऱ्या अवैध धंद्यांवर कारवाई करण्याच्या उद्देशाने अमली पदार्थ विरोधी पथकाचे कर्मचारी उन्द्री परिसरात गस्त घालत होते. पथकातील कर्मचारी योगेश मोहिते यांना माहिती मिळाली की उंड्री परिसरात एक नायजेरियन व्यक्ती अंमली पदार्थ विकतो. त्यानंतर पोलिसांनी भक्ती प्राईड सोसायटीत सापळा रचून आरोपीला अटक केली. यावेळी त्याच्याकडून 5 लाख 29 हजार 900 रुपयांचे 52 ग्रॅम 980 मिली कोकेन जप्त केले आहे.