Ranjitsinh Disale Saam Tv
महाराष्ट्र

डिसले गुरुजींबाबत नवा खुलासा, जागतिक बॅंकेच्या मेलमुळे संभ्रम

याबाबत एका व्यक्तीनं जागतिक बँकेकडे चौकशी केली असता वेगळीच माहिती समोर आली आहे. जागितक बँकेच्या मेलमुळे संभ्रम निर्माण झाला आहे.

विश्वभुषण लिमये

सोलापूर - ग्लोबल टीचर पुरस्कार मिळवणारे पहिले भारतीय शिक्षक रणजितसिंह डिसले (Ranjitsinh Disale) गुरुजींची जागतिक बँकेवर शिक्षण सल्लागार म्हणून नियुक्ती केल्याचं समोर आलं होतं. जून २०२१ ते जून २०२४ या कालावधीकरिता ही नेमणूक करण्यात आल्याचं डिसले गुरुजींनी (Disale Guruji) सांगितलं होतं. याबाबत एका व्यक्तीनं जागतिक बँकेकडे चौकशी केली असता वेगळीच माहिती समोर आली आहे. जागितक बँकेच्या (Bank) मेलमुळे संभ्रम निर्माण झाला आहे.

हे देखील पहा -

वैभव कोकाटे नावाच्या व्यक्तीनं जागतिक बँकेला इमेल करून रणजितसिंह डिसले गुरुजींच्या नियुक्तीबाबत चौकशी केली होती. त्यांना जागतिक बँकेकडून उत्तर मिळाले असून आमच्याकडे रणजितसिंह डिसलेंना जागतिक बँकेवर सल्लागार म्हणून नियुक्त केल्याचा कुठलाही रेकॉर्ड नाही, असं जागतिक बँकेनं केलेल्या इमेलमध्ये म्हटलं आहे.

तसेच आणखी पडताळणी करण्यासाठी आम्हाला अधिक माहिती लागेल,असंही त्या इमेलमध्ये म्हटलं आहे. कोकाटे यांनी या इमेलचा स्क्रीनशॉट ट्विट करत रणजितसिंह डिसले गुरुजींना खुलासा करण्याचं आव्हान दिलं होतं.

दरम्यान, रणजितसिंह डिसले गुरुजींनी ट्विटला रिप्लाय देत जागतिक बँकेकडून प्राप्त झालेले पत्र जोडले आहे. मला जागतिक बँकेकडून पत्र प्राप्त झाले आहे. पत्राची पडताळणी करण्यासाठी त्यांनी जागतिक बँकेची वेबसाईट देखील दिली आहे. तसेच पाठपुरावा करण्यासाठी वैभव कोकाटे यांचे आभार देखील मानले आहेत. पण, वैभव कोकाटे यांनी शेअर केलेला जागतिक बँकेचा इमेल आणि डिसले गुरुजींचे उत्तर यामुळे आता संभ्रम निर्माण झाला आहे.

Edited By - Shivani Tichkule

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Dates Benefits: खजूर खाण्याचे हे ७ फायदे माहितीयेत का?

Mumbai Shocking : मुंबई हादरली ! १५ वर्षीय मुलीवर जन्मदात्या वडिलांकडून बलात्कार, आईचाही समावेश

Shravana 2025: श्रावणात शिवलिंग पूजा करताना 'या' ७ वस्तू टाळा, होऊ शकतो अपशकुन

Liver cirrhosis last stage: लिव्हर सिरोसिसच्या लास्ट स्टेजमध्ये शरीरात होतात 'हे' मोठे बदल; यकृत सडण्याची लक्षणं वेळीच ओळखा

HBD Ranveer Singh : रणवीर सिंहचं ५ सुपरहिट चित्रपट, पहिला सिनेमा कोणता?

SCROLL FOR NEXT