Bhusawal Bodwad Farmers Sangh elections :

भुसावळ आणि बोदवड शेतकी संघाची निवडणुकीत एकनाथ खडसेंना त्यांच्या बालेकिल्ल्यातच धक्का बसलाय. खडसेंच्या बाल्लेकिल्ल्यात भाजपनं गुलाल उधळलाय. भुसावळ आणि बोदवड शेतकी संघाची निवडणूक पार पडली. या निवडणुकीत संजय सावकारे यांच्या पॅनलनं बाजी मारली. त्यामुळे राष्ट्रवादी शरद पवार गटाचे नेते एकनाथ खडसे यांना मोठा धक्का बसलाय. भाजपनं १५ पैकी ११ जागांवर दणदणीत विजय मिळवला.(Latest News)

या निवडणुकीत एकनाथ खडसे (Eknath Khadse) आणि माजी आमदार संतोष चौधरी यांची प्रतिष्ठा पणाला लागली होती. खरंतर या निवडणुकीत भाजपचा पराभव होणार असल्याची चर्चा सगळीकडे होती. पण भाजपनं जीवाची बाजी लावली आणि अशक्य असलेला विजय आपल्या हातात खेचून आणला. त्यामुळं खडसेंना त्यांच्याच होम ग्राऊंडवर मोठा धक्का बसलाय. या विजयामुळं आगामी निवडणूक सोपी जाणार असल्याचं आमदार (MLA Sanjay Savkari) संजय सावकारी यांनी म्हटलंय. या दणदणीत विजयानंतर भाजपनं गुलाल उधळत फटाके फोडले.