Summary:

• एकनाथ खडसे यांच्या घरी मोठी चोरी

• जळगावच्या मुक्ताईनगर येथील घरी चोरी

• जळगाव पोलिस घटनास्थळी दाखल झाले असून तपास केला सुरू

• चोरट्यांनी घरातील कपाटं फोडून मुद्देमाल लंपास केला

संजय महाजन, जळगाव

जळगावमधून एक मोठी बातमी समोर आली आहे. राष्ट्रवादी काँग्रेस शरद पवार गटाचे ज्येष्ठ नेते एकनाथ खडसे यांच्या घरी मोठी चोरी झाली. जळगावच्या मुक्ताईनगरमधील निवासस्थानी चोरी झाल्याची माहिती समोर आली आहे. खडसेंच्या जळगावमधील निवासस्थानी चोरट्यांनी मध्यरात्री दरवाजाचे कुलूप तोडून चोरी केली. लाखोंचा मुद्देमला चोरट्यांनी लंपास केल्याचा अंदाज वर्तवला जात आहे. जळगाव पोलिस तपास करत आहेत.

चोरट्यांनी एकनाथ खडसे यांच्या घरातील तळ मजला आणि पहिला मजल्यावरील खोल्यांमधील कपाट उघडून चोरी केली आहे. चोरट्यांनी खडसेंच्या घरातील सर्व सामान अस्थव्यस्थ केले आहे. कपाटामधील कपडे, पर्स इतर वस्तू चोरट्यांनी खाली फेकून दिल्या आहेत. या चोरीच्या घटनेचे फोटो आणि व्हिडीओ समोर आले आहेत.

नेमकं चोरट्यांनी किती मुद्देमाल चोरून नेला ही माहिती अद्याप समोर आलेली नाही. घटनास्थळी जळगाव पोलिस अधिकारी तसेच कर्मचारी दाखल झाले असून त्यांच्याकडून पाहणी केली जात आहे. पोलिसांकडून सीसीटीव्ही तपासण्याचे काम सुरू आहे. काही दिवसांपूर्वी रक्षा खडसे यांच्या पेट्रोल पंपावर देखील चोरीची घटना घडली होती.