Navneet Kaur Rana: आई वडील मुला-मुलींना शिक्षणासाठी शहरात पाठवतात, मात्र ते भाड्याच्या घरात लिव्ह इनमध्ये राहतात, असे विधान खासदार नवनीत राणा यांनी अमरावतीमध्ये केले आहे. व्हॅलेंटाईन विकच्या पार्श्वभूमीवर गजानन महाराज प्रकट दिनाच्या कार्यक्रमात बोलताना त्यांनी हे विधान केले आहे.
यावेळी बोलताना नवनीत राणा म्हणाल्या की 'लिव्ह इन रिलेशनशिप काय असतं? मी आतापर्यंत कधी ऐकल नव्हतं, आजकालच्या तरूण-तरुणींकडून याविषयी ऐकत आहे, ही आपली संस्कृती नाही, असेही यावेळी बोलताना नवनीत राणा म्हणाल्या. (Latest Marathi News)
आई वडील मुला-मुलींना शिक्षणासाठी शहरात पाठवतात, मात्र ते भाड्याच्या घरात लिव्ह इनमध्ये राहतात. आजकाल मुलं-मुलांसोबत आणि मुली-मुलींसोबत लग्न करत आहे. ही कुठली परंपरा आपल्या संस्कृतीमध्ये आली आहे, असेही नवनीत राणा म्हणाल्या.
आई-वडीलांनी आपल्याला रक्ताचं पाणी करून स्वतंत्र बनवलं आणि आपण पैसे जास्त झाले म्हणून डोक्याच्यावर जायचं, ही आपली संस्कृती नाही. आई वडील त्यांचे कर्तव्य पार पाडतात त्यामुळे मुलांनी आपलं कर्तव्य पार पडलं पाहिजे असा सल्ला देखील राणा यांनी यावेळी तरुणांना दिला. (Tajya Batmya)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.