भरत मोहोळकर, साम टिव्ही

नवी मुंबई : गाडीचालकाला गाडी चालवताना हार्ट अटॅक आला. तब्बल १५ मिनिटं हृदय आणि बीपी पुर्णपणे बंद होतं. मात्र तरीदेखील या चालकाचा चमत्कारिक रित्या जीव वाचल्याची घटना नवी मुंबईतल्या तळोजात घडलीय. पण दुर्दैवाची गोष्ट म्हणजे हार्ट अटॅकमुळं नियंत्रण सुटलेल्या अनिकेत नलावडेच्या गाडीनं दुचाकीस्वराला उडवलं. त्यात दुचाकीस्वाराचा जागीच मृत्यू झालाय. मात्र, हार्ट अटॅक आलेला गाडीचालक अनिकेत नलावडेंला रुग्णालयात दाखल केलं आणि त्याचा जीव वाचलाय. जगभरात हार्ट अटॅकमुळे २० लाखांपेक्षा जास्त रुग्णांचा मृत्यू होतो. त्यामुळेच वाहन चालवताना छातीत दुखायला लागल्यास काय काळजी घ्यावी?

हार्ट अटॅक आल्यास काय करावं?

गाडी चालवताना हार्ट अटॅकची लक्षणं दिसल्यास तात्काळ गाडी थांबवा

गाडीचे इंडिकेटर्स चालू करा

तातडीनं १०८ आपत्कालीन नंबरशी संपर्क करा

दीर्घ श्वासोच्छोवास घ्या

हार्ट अटॅकची लक्षणं दिसल्यावर अनिकेत नलावडेंनी तातडीनं गाडी थांबवली असती तर दुचाकीस्वाराचा जीव वाचला असता, त्यामुळे हार्ट अटॅकची लक्षणं दिसताच स्वतःसोबत इतरांच्या सुरक्षेला प्राधान्य देण्याची गरज आहे.