तबरेज शेख

नाशिक: नाशिक जिल्ह्यात पुन्हा एका तरुण शेतकऱ्याने आत्महत्या केली आहे. दिंडोरी येथीाल निळवंडी पाडे या गावात ही घटना घडलीये. 7 ते 8 लाख रुपयांचं कर्ज कसं फेडायचं या चिंतेतून या तरुणाने आत्महत्या केल्याची माहिती आहे. या घटनेने संपूर्ण तालुक्यात हळहळ व्यक्त केली जात आहे (Nashik Young Farmer Commit Suicide Due To Bank Loan).

नाशकातील (Nashik) दिंडोरी तालुक्यातील निळवंडी पाडे येथील संदीप राजेंद्र भुसाळ या तरुण शेतकऱ्याने एका बँकेतून कर्ज घेतले होते. घेतलेले कर्ज (Loan) फेडणे अशक्य होऊ लागल्याने नजीकच्या काळात बँकेचा तगादा लागू शकतो. ते आपण फेडू शकत नसल्याने वैफल्यग्रस्त झालेल्या तरुण शेतकऱ्याने याबाबतची ऑडिओ रेकॉर्डिंग सोशल मीडियावर शेअर करत गळफास घेत आत्महत्या केली.

माझ्या आत्महत्येला (Suicide) कोणालाही कारणीभूत धरु नये, मी कर्जामुळे आत्महत्या करत असल्याचं तो ऑडिओ क्लिपमध्ये म्हणतोय. या ऑडियो क्लिपमध्ये त्याने एका बँकेचे नाव घेतले असून बँकेच्या वसुली कारणाऱ्यांच्या छळाला कंटाळून आत्महत्या करत असल्याच त्यांने म्हटलं आहे. त्यामुळे आता दिंडोरी पोलीस त्या दिशेने तपास करत आहेत.

Edited By - Nupur Uppal