Nashik Onion Farmer: कांद्याच अनुदान मिळावे, यासाठी नाशिक जिल्ह्यातील कांदा उत्पादक शेतकऱ्यांनी आता फोन करो आंदोलन हाती घेतलंय. कांदा अनुदान मिळण्यासाठी प्रत्येक शेतकऱ्याने आपआपल्या तालुक्यातील आमदारांना फोन करो आंदोलन करावं, असं आवाहन महाराष्ट्र राज्य कांदा उत्पादक संघटनेनं केलंय. (Latest Marathi News)

अतिवृष्टीमुळे झालेली नुकसान भरपाई अनुदान आणि चार महिन्यांपूर्वी जाहीर झालेले कांदा अनुदान अजूनही शेतकऱ्यांच्या (Farmer) खात्यावर वर्ग झालेले नाही. कालपासून राज्य विधिमंडळाचे पावसाळी अधिवेशन सुरू झालय. त्यामुळे शेतकऱ्यांनी आपापल्या तालुक्यातील आमदारांना फोन करावेत असं आवाहन महाराष्ट्र राज्य कांदा उत्पादक संघटनेनं केलंय. (Nashik News)

यासोबतच तत्काळ सरसकट सर्व अर्ज जमा केलेल्या शेतकऱ्यांच्या खात्यावर नुकसान भरपाईची रक्कम जमा करण्याची मागणी संबंधित आमदारांनी विधीमंडळ अधिवेशनात करावी, अशी मागणी शेतकऱ्यांनी फोनवर करावी.

जोपर्यंत याबाबत अधिवेशनात ठोस भूमिका घेतली जात नाही तोपर्यंत प्रत्येक तालुक्यातील शेतकऱ्यांनी आमदारांना फोन करत राहावेत, असं आवाहन महाराष्ट्र राज्य कांदा उत्पादक संघटनेन कांदा उत्पादक शेतकऱ्यांना केलंय.