अजय सोनवणे, नाशिक|ता. २१ जानेवारी २०२४

Nashik Accident News:

नाशिकमधून एक मोठ्या अपघाताची घटना समोर आली आहे. नाशिकच्या चांदवडजवळ मुंबई आग्रा महामार्गावर खासगी ट्रॅव्हल्सचा भीषण अपघात झाला. या अपघातात १४ जण जखमी झाले आहेत. यापैकी दोघांची प्रकृती गंभीर असल्याचे सांगण्यात येत आहे. (Maharashtra Latest News)

याबाबत सविस्तर माहिती अशी की, मुंबई-आग्रा महामार्गांवर नाशिकच्या चांदवडजवळ खाजगी ट्रॅव्हल बसचा भीषण अपघात झाला. या अपघातात १४ जण जखमी झाले आहेत. यामधील दोघांची प्रकृती गंभीर असल्याचे सांगण्यात येत आहे. १८ प्रवाशांना घेऊन ही बस मध्यप्रदेशातून मुंबईकडे जात होती.

पहाटेच्या वेळी दाट धुक्यामुळे समोरचं काही दिसत नव्हतं, त्यामुळे चालकाचे गाडीवरील नियंत्रण सुटले आणि हॉटेल माथेरान जवळ बस पलटी झाली. अपघातानंतर स्थानिकांनी धाव घेत प्रवाशांना बाहेर काढले. अपघातात जखमी झालेल्यांवर सध्या चांदवडच्या उपजिल्हा रुग्णालयात दाखल करण्यात आले आहे.

 ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

नागपुरमध्ये भीषण अपघातात ५ जणांचा मृत्यू...

नागपुर शहरात तीन वेगवेगळ्या अपघातांमध्ये पाच जणांचा मृत्यू झाल्याची घटना घडली. पहिला रस्ता अपघात कामगर नगर येथे झाला, त्यात एका विवाहितेचा मृत्यू झाला. दुसरा रस्ता अपघात (Nagpur Road Accident) विहीरगाव येथे झाला, त्यात दोघांचा मृत्यू झाला. तर तिसरा अपघात पारडी परिसरात झाला, त्यात एका मुलीचा मृत्यू झाला. (Latest Marathi News)