नाशिक : नाशिकमधून एक मोठी बातमी समोर आली आहे. नाशिकच्या (Nashik) करन्सी नोट प्रेसमध्ये आता भारतीय चलनासोबतच नेपाळच्या १ हजार रुपयांच्या चलनी नोटांची देखील छपाई होणार आहे. नेपाळच्या चलनी नोटा छापण्याचं कॉन्ट्रॅक्ट मिळाल्याने कर्मचाऱ्यांमध्ये आनंदाचे वातावरण पसरले आहे. (Nashik News Today)

विशेष बाब म्हणजे स्वातंत्र्यापूर्वी नाशिकच्या करन्सी नोट प्रेसमध्ये चीन, नेपाळ, भूतान, बांग्लादेश, पाकिस्तान या देशांच्या नोटांची छपाई झाली आहे. मात्र मध्यंतरीच्या काळात ही छपाई बंद झाली होती. आजही जवळपास 50 ते 60 देश आपले चलन बाहेरच्या देशातून छापून घेतात.

त्यामुळे आता नाशिकच्या नोट प्रेसमध्ये एक्सपोर्ट डिपार्टमेंट बनवण्याचा निर्णय घेण्यात आला आहे. या माध्यमातून इतर देशांचे देखील करन्सी छापण्याचे काम कसे मिळवता येईल यासाठी प्रयत्न केले जात असल्याचं नोट प्रेस मजूर संघाचे अध्यक्ष जगदीश गोडसे यांनी सांगितलं आहे.

Edited By - Satish Daud