Mother risked her life for baby stuck in house: कचरा टाकण्यासाठी आई घराबाहेर गेली आणि हवेच्या दाबाने दरवाजा लॉक होऊन घरात दीड वर्षांचं बाळ कोंडलं गेलं. यानंतर आईने जिवाची पर्वा न करता चक्क एका बाल्कनीतून दुसऱ्या बाल्कनीत उडी घेतली आणि घरात कोंडलेल्या बाळाला कवेत घेतलं. नाशिकमध्ये तृप्ती जगदाळे सोनार या माहिलेने तिच्या बाळासाठी केलेल्या धाडसाचं सध्या सर्वत्र कौतुक होत आहे.

हिरकणीच्या धाडसाची आणि मातृ प्रेमाची गोष्ट सर्वांनाच माहिती आहे. सर्वांनी शालेय जीवनात हिरकणीची कथा तुम्ही ऐकलेलीच असेल. मात्र नाशिकमध्ये एका मातेने दाखवलेल्या धाडसाने तुम्हाला या कथेची आठवण झाल्याशिवाय राहणार नाही.

नाशिकच्या तृप्ती जगदाळे ही महिला रोजचा दिनक्रमानुसार काम करत होती. घरात दीड वर्षांचं बाळ खेळण्यात रमलेलं होतं. याच वेळी कचरा टाकण्यासाठी म्हणून तृप्ती घराबाहेर गेल्या आणि तेवढ्यात जोरात आलेल्या वाऱ्याच्या दाबाने घराचा दरवाजा लॉक झाला. दार जोरात लागल्याने घाबलेल्या बाळ घरात रडू लागलं.

घरातून बाळाचा रडण्याचा आवाज येत असल्याने प्रचंड काळजीत असलेल्या आईला काय करावं काही कळेना. या विवंचनेत सापडलेल्या तृप्तीने थेट बाजूच्या घराचा दरवाजा ठोठावला. त्या घरातील 4 फूट गलरीतून पाईपच्या सहाय्याने आपल्या घराच्या गॅलरीत उडी घेतली आणि धावत जाऊन बाळाला कवेत घेऊन हंबरडा फोडला. (Breaking News)

बाळासाठी जीव धोक्यात घालून एका घराच्या बाल्कनीतून दुसऱ्या घराच्या बाल्कनीत उडी घेणाऱ्या या आधुनिक हिरकणीचं सध्या सर्वत्र कौतुक होत आहे. मुळच्या धुळे जिल्ह्यातील शिरपूर येथील असलेलल्या आणि सध्या नाशिकमध्ये वास्तव्यास असलेल्या तृप्ती जगदाळे सोनार यांनी केलेल्या या धाडसाची संपूर्ण नाशिकमध्ये चर्चा आहे. दीड महिन्याच्या बाळासाठी त्यांनी जे केलं त्यामुळं त्यांना आधुनिक हिरकरणी म्हटलं जात आहे. (Latest Marathi News)