तबरेज शेख

नाशिक : जुना नाशिक परिसरामधील कुंभारवाडा भागामध्ये मोरे नामक व्यक्तीच्या घरामध्ये सकाळी गॅस सिलेंडरचा लीक झाला. त्यामुळे सुभाष मोरे व राधाबाई मोरे दोघे किरकोळ जखमी झाले आहे. जीवित आणि झाले नसून घराचे नुकसान झाले आहे. (Tajya Batmya)

जुने नाशिक परिसरातील सुभाष मोरे यांच्या घरी मोठ्या मुलाचे लग्न झाल्यानंतर ते देवदर्शनासाठी गेले होते. गुरूवारी रात्री ते घरी आले. यानंतर आज सकाळी राधाबाई मोरे यांनी चहा ठेवण्यासाठी गॅस लावला. यावेळी रेगुलेटरमधून गॅस लिक व्हायला लागला होता. त्यांनी रेगुलेटर बंद करण्याचा प्रयत्न केला. परंतु, गॅसने अचानक पेट घेतला. त्यानंतर सुभाष मोरे व आजूबाजूला नागरिकांनी घराकडे धाव घेतली. नाशिक अग्निशामक दलाला कॉल केला.

नागरिकांनी आग विझवण्याचा प्रयत्न केला. तसेच घटनास्थळी अग्निशामक दलाचे जवान दाखल झाले. त्यांनी सिलेंडर घराच्या बाहेर काढून लीक झालेला सिलेंडर बाहेर काढला. तसेच त्यातील जखमी झालेल्या लोकांना जिल्हा शासकीय रुग्णालयात पाठवण्यात आला आहे.