Nashik Onion Farmer News: कांदा निर्यातीवर ४० टक्के शुल्क आकारण्याचा निर्णय केंद्र सरकारने घेतला आहे. तसेच नाफेडने खरेदी केलेला कांदाही बाजारात आणला जाणार आहे. या निर्णयानंतर राज्यातील शेतकरी चांगलेच आक्रमक झाले आहेत. केंद्र सरकारच्या या निर्णयाविरोधात शेतकऱ्यांनी संताप व्यक्त करत आंदोलन छेडले आहे.

याबाबत अधिक माहिती अशी की, केंद्र शासनाने देशात कांद्याचे दर वाढत असल्यामुळे निर्यातीवर ४० टक्के शुल्क लावण्याचा निर्णय घेतला. या निर्णयानंतर नाशिक (Nashik) आणि पुणे (Pune) जिल्ह्यात शेतकऱ्यांनी आंदोलन सुरु केले आहे. नाशिक जिल्ह्यातील १५ बाजार समित्या आजपासून बेमुदत बंद पुकारला आहे.

तसेच नाशिकच्या येवला येथे शेतकरी संघटनेने रास्ता रोको केला. मनमाड-येवला मार्गावर बाजार समिती समोर रास्ता रोको सुरू केला असून शेतकरी चांगलेच आक्रमक झाले आहेत. शेतकऱ्यांच्या या रास्ता रोकाने या मार्गावरील वाहतूक ठप्प झाली आहे.

दरम्यान, नाशिक जिल्ह्यातील बाजार समिती (Nashik Bajat Samitee) बंदला नगर जिल्ह्यातील किसान सभेने पाठिंबा दिला आहे. केंद्र सरकारच्या सततच्या शेतकरी विरोधी धोरणाचा विरोध करण्यासाठी एकत्र येण्याच केलं आवाहन किसान सभेचे नेते अजित नवले यांनी केले आहे. (Latest Marathi News)