तबरेज शेख

नाशिक : अशोका मार्ग परिसरात राहणाऱ्या महिलेचे रक्त तपासणीचे खोटे रिपोर्ट दिले. महिलेच्या (Nashik News) जीविताला धोका निर्माण केल्याप्रकरणी दोघा संशयितांविरोधात मुंबई नाका पोलीस (Police) ठाण्यात गुन्हा दाखल करण्यात आला आहे. (Breaking Marathi News)

नाशिकमधील रेणुकानगर परिसरात राहणारी एक संशयित महिला आणि कामटवाडे परिसरात राहणारा संशयित उदय नारायण सिंग यांच्याविरोधात हा गुन्हा (Crime) दाखल करण्यात आला आहे. रिझवान रमजान भोख यांच्या फिर्यादीनुसार रिझवान यांची पत्नी यांच्या रक्त तपासणीचा रिपोर्ट संशयित दोघांनी संगनमताने खोटा तयार करून दिला.

रिपोर्टमुळे चुकीचे औषधोपचार

रक्‍ताचे रिपोर्ट चुकीचे दिल्‍यामुळे सदर महिलेला संशयितांकडून चुकीचे औषधोपचार सुरू केले. यामुळे महिलेच्या जीविताला धोका निर्माण झाला असल्याचा आरोप करण्यात आला आहे. याबाबत अधिक तपास मुंबई नाका पोलिस करत आहे.