तबरेज शेख 
नाशिक : मोबाइलवरून शेअर मार्केटमध्ये जादा पैसे कमावण्याचे आमिष दाखवून जाळ्यात फसवत एका शेतकऱ्याची फसवणूक झाल्याचा प्रकार नाशिक जिल्ह्यात समोर आला आहे. यात शेतकऱ्याचे ९४ लाख ८६ हजार रुपयात फसवणूक करण्यात आली आहे. 

अनोळखी मोबाइल क्रमांकावरून शेतकऱ्याला आलेल्या कॉलनंतर जुजबी माहितीच्या आधारे ऑनलाइन शेअर ट्रेडिंग सुरू केले. यात (Farmer) शेतकऱ्याला शेअर मार्केटमध्ये रक्कम गुंतवून जादा पैसे कमविण्याचा मोबदला देण्याचे आमिष दिले. या दरम्यान विविध बँकांत वेळोवेळी ९४ लाख ८६ हजार ऑनलाइन भरले. मात्र अकरा महिन्यांनंतर खरेदी केलेले शेअर्स विक्री करण्यास सांगितले (Cyber Crime) असता संशयितांनी आणखी पैसे भरण्यास सांगितले.

मात्र यावेळी शेतकऱ्याला  फसवणूक झाल्याचे लक्षात आल्यानंतर सायबर पोलिस ठाण्यात तक्रार देण्यात आलीय. दरम्यान या प्रकारात शेतीत कमावलेली रक्कम गमावण्याची वेळ आली. याप्रकरणी सायबर पोलिस ठाण्यात माहिती तंत्रज्ञान अधिनियम कायद्यांतर्गत गुन्हा दाखल करण्यात आला.