Nashik Breaking News : नाशिक (Nashik) जिल्ह्यात सध्या मुसळधार पाऊस सुरू आहे. पावसामुळे रस्ते जलमय झाले असून नदी-नाल्यांना पूर आलाय. अशातच शहरातून एक धक्कादायक बातमी समोर आली आहे. प्रवाशांना घेऊन जाणारी एक बस थेट नदीपात्रात शिरली. बसला (Bus Accident) ब्रेक न लागल्याने ही घटना घडल्याची माहिती समोर येते आहे. शहरातील गाडगे महाराज पुलाजवळ ही घटना घडली आहे. (Nashik Todays News)

सुदैवाने या घटनेत कुठलीही जीवितहानी झाली नाही. गोदापात्रात शिरलेली बस बाहेरील राज्यातील असल्याची माहिती आहे. बस नदीपात्रात अडकल्याची माहिती मिळताच स्थानिक नागरिकांसह पोलिसांनी घटनास्थळी धाव घेतली. सध्या बसमध्ये अडकलेल्या प्रवाशांना बाहेर काढण्याचं काम सुरू आहे. (Nashik Bus Accident News)

प्राप्त माहितीनुसार, परराज्यातील पर्यटकांना नाशिक येथे घेऊन आलेली बस अचानक गोदापात्रात शिरली. शहरातील गाडगे महाराज पुलाजवळ आल्यानंतर बसचे ब्रेक न लागल्याने सदरील घटना घडली. सुदैवाने या घटनेत कुठलीही जीवितहानी झाली नाही. बसमधील प्रवाशांना सुखरूप बाहेर काढण्यात आलं आहे.

Edited By - Satish Daud