महाराष्ट्रात सिंहस्थ कुंभमेळ्याच्या नावाखाली कोट्यवधी रुपयांच्या टेंडरसाठी बनावट वर्क ऑर्डर काढल्याचा मोठा घोटाळा उघड झालाय. याचं जामनेर कनेक्शन आधीच समोर आलेलं असताना याबाबत आणखी एक कारनामा जळगावात घडल्याची धक्कादायक माहिती समोर आलीय. या संपूर्ण प्रकरणाची धक्कादायक इनसाईड स्टोरी साम टीव्हीच्या हाती लागलीय. आरोपींनी जळगावच्या छापखान्यात य़ा बनावट वर्क ऑर्डर छापल्याचा पर्दाफाश झालाय. नेमका कसा सुरू होता हा घोटाळा पाहूयात.

कुंभमेळा टेंडर घोटाळ्याची इनसाईड स्टोरी

बनावट वर्क ऑर्डर जळगावमधील आईसाहेब आर्ट प्रिंटिंग प्रेसमध्ये तयार

फिर्यादींचा विश्वास बसावा यासाठी नाशिकच्या विभागीय आयुक्त कार्यालयात भेटण्यास बोलावलं

आयुक्त कार्यालयाच्या परिसरात फिर्यादींना कामाच्या कंत्राटाची कागदपत्रं दाखवली

भारतीय राजमुद्रा असलेलं, आयुक्तांची सही असलेली टेंडरची कागदपत्रं दाखवली

टेंडरच्या मोबदल्यात एकूण रकमेच्या 8% आम्हाला आणि 2% अधिकाऱ्यांसाठी आगाऊ रकमेची मागणी

तनय महाजनच्या खात्यात 2 कोटी 72 लाख आल्याचा संशय

नरेंद्र महाजननं रोख स्वरुपात 36 लाख 50 हजार घेतल्याचा आरोप

शकील शेखच्या बँक खात्यातही 86 लाख 50 हजार आल्याची माहिती

नातेवाईकांसह मित्रांच्या बँक खात्यांचाही पैशांच्या व्यवहारासाठी वापर

टेंडरच्या अनुषंगानं व्यावसायिक भागीदारीची नोटरीही केली

आरोपींनी टेंडरचं अॅग्रीमेंट करण्यास टाळाटाळ केल्यानं बिंग फुटलं

दरम्यान कुंभमेळ्याच्या नावाखाली कोट्यवधींची उधळपट्टी होत असून भ्रष्टाचारासाठी भरघोस निधीची तरतुद करण्यात आल्याचा आरोप काँग्रेस नेते विजय वडेट्टीवार यांनी केलाय. सिंहस्थ कुंभमेळा हा हिंदू धर्मियांच्या श्रद्धेचा आणि आस्थेचा उत्सव आहे.

याच्या नावाखाली नावाखाली बनावट वर्क ऑर्डर काढून लुटालूट सुरू असताना सत्ताधारी नेते आणि कुंभमंत्री म्हणवून घेणारे नेमकं काय करत होते? सहा आरोपींना आता याप्रकरणात अटक झाली असली तरी या घोटाळ्यामागील खरा मास्टरमाईंड कोण आहे? जनतेच्या करातून येणाऱ्या पैशांची अशा पद्धतीनं होणाऱ्या लुटीला नेमका कुणाचं अभय आहे? असे असंख्य प्रश्न जनतेचा मनात आहे.