Summary -

• नाशिक आयटी कंपनीतील लैंगिक अत्याचार प्रकरण

• ८ तरुणींच्या लैंगिक शोषणानंतर धर्मांतर अन् बीफ खाण्याची सक्ती

• ६ आरोपींना अटक तर २ महिला आरोपी फरार

• एसआयटीमार्फत तपास सुरू करण्यात आला

नाशिकमधील एका नामांकित आयटी कंपनीत तरुणींच्या लैंगिक शोषणासह धर्मांतराचा धक्कादायक प्रकार समोर आला आहे. धर्मांतर झालेल्या पीडित तरुणाचे फोटो समोर आले असून त्याला विशिष्ट पोषाख घालण्यास आणि धार्मिक चालीरीती पाळण्यास दबाव टाकल्याचा आरोप करण्यात आला आहे. या प्रकरणी पोलिसांनी गुन्हा दाखल केला असून पुढील तपास सुरू आहे. या घटनेमुळे नाशिकमध्ये खळबळ उडाली आहे.

नाशिकच्या आयटी कंपनीतील लैंगिक शोषण आणि धर्मांतर प्रकरणातील फोटो समोर आले आहेत. याच कंपनीतील एका तरुणाला संशयित आरोपींनी धर्मांतर करायला लावण्याचा आरोप आहे. संशयित तैसिफ अत्तार, दानिश, शाहरुख शेख आणि रजा मेमन यांनी हिंदू तरुणाला धर्मांतर करायला भाग पाडल्याची तक्रार करण्यात आली आहे. कंपनीतील हिंदू तरुणाला दुपारच्या वेळेस नमाज पठण करायला लावली जात असल्याचा आरोप आहे. याशिवाय हिंदू तरुणाला बीफ खाऊ घातल्याचाही फिर्यादीत उल्लेख करण्यात आला आहे. हिंदू तरुणाचे धर्मांतरानंतरचे फोटो समोर आल्याने एकच खळबळ उडाली आहे.

नाशिकमधील नामांकित आयटी कंपनीतील लैंगिक शोषण प्रकरणात ८ पैकी ६ जाणांना अटक करण्यात आली आहे. तर दोन महिला आरोपी फरार आहेत. या कंपनीतील ऑपरेशन मॅनेजर आणि एक महिला आरोपी फरार आहे. पीडितांनी महिला ऑपरेशन मॅनेजरकडे तक्रार करूनही दुर्लक्ष केल्याचा आरोप केला आहे. दोन्ही फरार महिला आरोपींच्या शोधासाठी नाशिक पोलिसांनी पथके रवाना केली आहेत. महिला कर्मचाऱ्यांचं शोषण, मानसिक छळ प्रकरणी नाशिक पोलिसांत आत्तापर्यंत ९ गुन्हे दाखल करण्यात आले आहेत. या प्रकरणाच्या तपासासाठी पोलिस उपायुक्त संदीप मिटके यांच्याकडे एसआयटीची जबाबदारी देण्यात आली आहे.