तबरेज शेख 

नाशिक : नाशिक जिल्ह्यातील पाथर्डी गावात चार ते पाच जणांच्या टोळक्याने एका युवकाला थांबवत त्याच्यावर हल्ला चढविला. यानंतर त्याच्यावर धारदार शस्त्राने वार करून हत्या केल्याची धक्कादायक घटना रात्रीच्या सुमारास घडली आहे. या घटनेमुळे गावात दहशतीचे वातावरण निर्माण झाले आहे. 

पाथर्डी (जि. नाशिक) या गावातील नंदेश विजय साळवे (वय २०) असे घटनेत मृत्युमुखी (Nashik) पडलेल्या युवकाचे नाव आहे. इंदिरानगर पोलीस ठाणे हद्दीत पाथर्डी गावात रात्री अकरा वाजेच्या सुमारास नंदेश साळवे याच्यावर चार ते पाच जणांनी हल्ला केला. घटनेची माहिती मिळताच इंदिरानगर पोलीस घटनास्थळी पोहचत पंचनामा केला. (Crime News) यानंतर जखमी नंदेश यास जिल्हा शासकीय रुग्णालयात हलविण्यात आले. वैद्यकीय अधिकारी यांनी तपासून मयत घोषित केले. 

गावात घडलेल्या या घटनेबाबत पोलिसांनी (Police) तपास केला असता जुन्या भांडणाची कुरापत काढून चार ते पाच जणांनी हा हल्ला केल्याचे पोलिसांनी सांगितले. दरम्यान घटनेनंतर गावात दहशतीचे वातावरण निर्माण झाले असून रात्री इंदिरानगर पोलीस ठाण्यात अज्ञात हल्लेखोरांविरुद्ध खुनाचा गुन्हा दाखल करण्यात आलं आहे.