Nashik News: नाशिक जिल्ह्यातून (Nashik) एक धक्कादायक घटना समोर आली आहे. नाशिकच्या कळवण (kalwan) तालुक्याचे अजित पवार गटाचे राष्ट्रवादीचे आमदार नितीन पवार यांच्या पेट्रोल पंप व संपर्क कार्यालयावर हल्ला करण्यात आल्याचा प्रकार समोर आला असून या घटनेने तालुक्यात खळबळ उडाली आहे. (Crime News IN Marathi)

याबाबत अधिक माहिती अशी की, नितीन पवार हे नाशिकच्या (Nashik) कळवण सुरगाणा तालुक्याचे राष्ट्रवादी कॉंग्रेस (NCP) पक्षाचे आमदार आहेत. कळवणच्या मानूर शिवारात त्यांचा पेट्रोल पंप तसेच संपर्क कार्यालय असून पहाटे ३ वाजता चार जणांकडून पेट्रोल पंप तसेच कार्यालयाची तोडफोड करण्यात आली.

या हल्ल्यात पेट्रोल पंप तसेच कार्यालयाचे मोठे नुकसान झाले आहे. हल्ल्याचा संपूर्ण प्रकार सीसीटीव्ही (CCTV) कॅमेऱ्यात कैद झाला असून पोलिस घटनास्थळी दाखल झाले आहेत. प्राथमिक तपासात पेट्रोल न दिल्याने हा हल्ला करण्यात आल्याचे सांगण्यात येत आहे. पोलिसांकडून अधिक तपास सुरू आहे.

नितीन पवारांचा अजित पवारांना पाठिंबा..

दरम्यान, अजित पवार (Ajit Pawar) यांच्या बंडानंतर राज्याच्या राजकारणात मोठी उलथापालथ झाली होती. अजित पवार यांनी शिंदे- फडणवीस सरकारला पाठिंबा दिल्यानंतर राष्ट्रवादी पक्षात दोन गट पडले असून नितीन पवार (Nitin Pawar) यांनी अजित पवारांना पाठिंबा दिला आहे. (Latest Marathi News)